Bugun “Yoshlar va biznesni qo‘llab-quvvatlash” yili doirasida Toshkent davlat transport universiteti talabalarini respublikamiz miqyosida olib borilayotgan islohotlar bilan yaqindan tanishtirish, talabalarning nazariy bilimlarini amaliyot bilan bog‘lash maqsadida “Toshkent yo‘lovchi vagonlarini qurish va ta’mirlash zavodi” AJ ga karera markazi, kafedra mudiri va dekan muovinlari boshchiligida bir guruh talabalar tashrif buyurishdi. Tashrifdan asosiy maqsad, korxonaning ishlab chiqarish bo‘limlaridagi jarayonlar bilan yaqindan tanishish, nazariy olgan bilimlarni amaliyotda tadbiq etish, ilmiy tushunchalarni ko‘z bilan ko‘rish orqali mustahkamlash, shuningdek, ilg‘or innovatsiyalarga asoslangan, yangi texnologiyalar yordamida qurilayotgan yo‘lovchi vagonlarining ishlab chiqarish jarayonlarini o‘rganishdir. Tashrif davomida talabalar ishlab chiqarish bo‘lim boshliqlari hamda mutaxassislariga o‘zlarini qiziqtirgan savollar bilan murojaat qildilar. Korxonadagi yo‘lovchi vagonlarini qurish va ta’mirlash jarayonidagi jadal sur’atlarda olib borilayotgan ishlar talabalarda juda katta taassurot qoldirdi.
